Klokka gjekk mot 19 denne vårkvelden i mai.
Havet låg blankt og stille. Berre lyden av dønningane som braut mot stranda, og måsen sine skrik ,braut stilla.
I sør låg skyene over Hakallestranda, og Stadtlandet heilt nede i horisonten.
Nordanfor Sandsøya glitra sjøen frå den dalande sola sitt lys.
Men nordover mellom den avfolka Skorpa og Nerlandsøya, ut Skorpesundet, låg havet blankt og blått.
Inne på Bergsøya ligg husa på Eggesbønes, med Remøyfjellet ruvande over dei i bakgrunnen.
Så dukkar Bølandet fram, og Flåværleia innover mot Herøyholmen og Herøybrua.
Slik fekk eg oppleve havet og øyane ute på Søre Sunnmøre denne fredagskvelden. Ein knapp time med bil heimanfrå, inkludert ein tur ned på 287 meter under overflata av Vartdalsfjorden
Ingen kommentarer:
Legg inn en kommentar