Fest og seint oppe i går. Tung og trøytt i hovud og kropp i dag.
Er det ikkje det som vert knytt til blåmandagen?
Andre dag i fastelavn.
Dette er ingen blåmandag i den tydinga.
Sola kom over fjella bak Helevetesdalen alt kl 09.00, og om ho ikkje klatrar Melshornet i dag, så er det ikkje mange dagane til.
Og på bordet står tulipanane og lyser etter morsdagen.
Og så er det kafé-dag og treningsdag.
Det teiknar til å verte ein bra blåmandag, dette.
Men så har ikkje namnet på dagen noko med ein "hang-over" dag å gjere heller.
Opphaveleg.
Namnet har den frå at prestane i mellomalderen si katolske tid, la ein blå duk over alteret, for å markere at no hadde dei byrja på fasta.
Ingen kommentarer:
Legg inn en kommentar