Eg kom over tre vers av skalden frå Herøy, Bjarne Rabben.
Eg tykkjer dei høver no når vi snart går inn i fastetida.
Kom, vener, når det lid
til heilag påsketid
og lat oss minnast dagen
då frelsaren i hagen
heldt ut den harde strid.
Kom, vener, lat oss gå
til Golgata og sjå
vår frelsars kross og kvide
som han for oss fekk lide,
så me skal himlen nå.
Kom, vener, til den stad
der Jesus sterk og glad
ifrå si grav i hagen
stod opp att påskedagen.
Syng høgt halleluja!
Ingen kommentarer:
Legg inn en kommentar