Det gryr ein ny dag.

22.juli 2011
Det er gått ei veke sidan den uverkelege fredagen.
Dagen som for alltid sette eit skilje i vårt folk si soge.

Det har vore ei underleg veke.
Ei veke full av sterke inntrykk, formidla gjennom bilete og ord.
Norge vert aldri det same etter 22.juli, sa dei i kveld i Dagsrevyen.

Ja, la oss vone det.
At det ikkje berre vert store ord inn i uverkelege dagar.
At dette vonde som hende, verkeleg kan endra folket vårt til eit folk fyllt av omsorg og kjærleik til nesten.
For alltid.
Og når desse dagane vi er i no, ligg bak oss og kvardagen igjen bankar på, då gryr den nye dagen over eit varmare folk.
Må Gud hjelpe oss til det.