Då gjeld det at forma er der for dagar med vandring. Både for føter og rygg. I fjor mangla det noko på førebuinga, så då gjekk eg meg på ei bra gangsperre første dagane.
Men no er eg igang. Ikkje med vandring i skog og mark med sekk på ryggen, men litt annleis trening.
Saka er at eg har teke på meg eit arbeid eg har lite erfaring og kunnskap for. (Som så ofte før) Vonleg har eg ikkje heist større segl enn båten toler.
Eg skal denne sommaren reise ein mur av betongstein langs vegen ned til heimen. Så no går det på graving, flytting av pukkstein, støyping og løing av tung stein. Det har medført, ikkje berre gangsperre i føtene, men stive musklar i mest heile kroppen. Så dette må vere topp opptrening til vandringa når sommaren er over, og vonleg - muren oppkomen.
Ingen kommentarer:
Legg inn en kommentar