Påskemorgon

Det er tidleg påskemorgon i Kaupanger. Sol frå klår himmel. Her eg sit ser eg eit glimt av Kaupangerbukti, og her på Kaupangersida er gardane og byggefeltet bada i morgonsola, medan Amlasida endå ligg i skuggelandet. Og utanfor bukta ser eg den lange Sognefjorden, med høge fjella over, der toppane enno er kvite av snø. Desse fjella ligg på vestsida av fjellvegen mellom Aurland og Lærdal. Vestover bøyer fjorden av inn mot Aurland og Gudvangen. Men austover deler han seg i ei arm mot Lærdal og ei arm som  går innover mot Luster og Skjolden inne i fjordbotnen. Her har eg vore denne påska hjå mi yngste dotter, med kyrkjevitjingar og gåturar i omegna., og i vakkert vårver.