Stedje kyrkje

Det var i Stedje kyrkje eg feira påskedagsgudstenesta dette året. Ho er raudmåla og er den største kyrkja i Sogn og ligg vakkert til oppe på ei flate vest om Sognddalselva. Alltid spanande å feire gudsteneste i andre kyrkjer enn mi heimekyrkje.

Etter gudstenesta gjekk vi den fine fjordstien som går mellom fjorden og husa i Sogndalsfjøra, frå Stedje gard i vest og til brua over Barsnesfjorden i aust.

Påskemorgon

Det er tidleg påskemorgon i Kaupanger. Sol frå klår himmel. Her eg sit ser eg eit glimt av Kaupangerbukti, og her på Kaupangersida er gardane og byggefeltet bada i morgonsola, medan Amlasida endå ligg i skuggelandet. Og utanfor bukta ser eg den lange Sognefjorden, med høge fjella over, der toppane enno er kvite av snø. Desse fjella ligg på vestsida av fjellvegen mellom Aurland og Lærdal. Vestover bøyer fjorden av inn mot Aurland og Gudvangen. Men austover deler han seg i ei arm mot Lærdal og ei arm som  går innover mot Luster og Skjolden inne i fjordbotnen. Her har eg vore denne påska hjå mi yngste dotter, med kyrkjevitjingar og gåturar i omegna., og i vakkert vårver.

Påske i indre Sogn.

Pandemien ligg bak og då er det tid for å gjer utsette vitjingar . Desverre er eg åleine for første gong då mi kjære døydde frå meg i mars. Denne påske er det ikkje mi heimekyrkje som er mi påskekyrkje, men to Sogndalskyrkjer. Dette fordi eg er på vitjing i Kaupanger. I dag gjekk vi tur langs stranda av Kaupangerbukta med utsyn til dei mektige fjella på sydsida av fjorden.

Eg har fått vere tilstades i tre gudstenester på to dagar. Ikkje verst. Skjærtorsdag kveld var vi Stedje kyrkje der diakonen var forkynnar, og langfredag føremiddag var vi i den gamle stavkyrkja i Kaupanger, der prosten i Luster leidde gudstenesta. Med innlagt dåp.

Men om kvelden  var vi i Stedje kyrkje att til kveldsgudstenste. Litt kjekt å høyre korleis to prestar vel sine innfalsvinklar til same teksta. Men midnattsmessa i heimekyrkja får eg diverre ikkje med meg i år. Det er eit sakn. Den gudstenesta er eit av høgdepunkta i påska for meg.